بۇگىن اتىراۋدا «جۇمىسشى ماماندىعى جانە قازاقستان جازۋشىلارىنىڭ شىعارمالارى» تاقىرىبىمەن قازاقستان جازۋشىلار وداعىنىڭ كوشپەلى پلەنۋمى باستالدى, دەپ حابارلايدى Egemen.kz.
ەلىمىزدىڭ رۋحانياتىنا ۇلەس قوسقان قالامگەرلەرگە قۇرمەتتى اتاقتى قازاقستان جازۋشىلار وداعىنىڭ باسقارما توراعاسى مەرەكە قۇلكەنوۆ تاپسىردى.
قازاقستاننىڭ قۇرمەتتى جازۋشىسى اتانعانداردىڭ ءبىرى – قازاقستاننىڭ ەڭبەك ەرى يليا جاقانوۆ. تانىمال ونەر قايراتكەرى قازاقتىڭ حالىق اندەرى مەن كومپوزيتورلارىنىڭ شىعارماشىلىعىن زەرتتەپ ءجۇر. حالىق اندەرىنىڭ شىعۋ تاريحىنان بىرنەشە كىتاپ جازدى.
سونداي-اق, اقىندار, جۇمەكەن ناجىمەدەنوۆتىڭ شىىعارماشىلىعىن زەرتتەۋشى, فيلولوگيا عىلىمدارىنىڭ دوكتورى قادىر ءجۇسىپ, جەرگىلىكتى ولكەتانۋشى تولەگەن جاڭاباەۆ, ايتىسكەر ءجانيبا قاراساەۆا اتالعان اتاققا يە بولدى.